لاہور(این این آئی)ویزے کے باوجودپاکستانی شہریوں کوبھارتی امیگریشن حکام نے واپس بھیج دیا۔بھارتی ہٹ دھرمی، ویزے کے باوجودپاکستانی شہریوں کوبھارتی امیگریشن حکام نے واپس بھیج دیا، پاکستان میں کورونا وبا کی وجہ سے مقیم 203 بھارتی شہری واہگہ سرحدکے راستے واپس انڈیاجائیں گے۔پاکستان اور بھارت نے کوروناوباکی وجہ سے واہگہ سرحد بندکردی تھی تاہم پاکستان نے چندروز قبل اپنی طرف سے عائد پابندی اٹھاتے ہوئے سرحدکھول دی ہے۔جمعرات کے روز اندرون سندھ سے تعلق رکھنے والے پانچ پاکستانی ہندوشہری امیگریشن کلیئرکروانے کے بعد بارڈر کر اس کرکے بھارت گئے تاہم چندگھنٹوں بعدہی بھارتی امیگریشن حکام نے انھیں یہ کہہ کرواپس بھیج دیاکہ بھارتی بارڈرابھی بند ہے۔

موضوعات:بھارتی ہٹ دھرمی