جمعہ‬‮ ، 16 مئی‬‮‬‮ 2025 

طالبان نے قبضہ کیے گئے تین اضلاع پر دوبارہ کنٹرول حاصل کر لیا

datetime 23  اگست‬‮  2021
ہمارا واٹس ایپ چینل جوائن کریں

کابل (این این آئی)طالبان افواج نے شمالی افغانستان میں مقامی ملیشیاؤں کے قبضے میں جانے والے تین اضلاع پر دوبارہ کنٹرول حاصل کر لیا۔غیر ملکی میڈیا کے مطابق 15 اگست کو دارالحکومت کابل پر قبضے کے بعد طالبان کے خلاف مسلح مزاحمت کی اطلاع اس وقت موصول ہوئی تھی جب صوبہ بغلان کے ضلع بانو، دیہ صالح اور پل حصار پر طالبان مخالف ملیشیاؤں نے قبضہ کر لیا تھا۔

طالبان ترجمان ذبیح اللہ مجاہد کے ٹوئٹر اکاؤنٹ کے مطابق پیر تک طالبان فورسز نے اضلاع کو خالی کرا لیا تھا اور وادی پنج شیر کے قریب بدخشان، تخار اور اندراب میں طالبان حکومت قائم ہو چکی ہے۔سوویت مخالف کمانڈر احمد شاہ مسعود کے بیٹے احمد مسعود کی حامی فورسز نے کابل کے شمال مغرب میں ایک پہاڑی علاقہ پنجشیر وادی میں اپنی حکومت قائم کر لی ہے جہاں 2001 سے انہوں نے طالبان کے خلاف مزاحمت کی تھی۔احمد مسعود نے افغانستان کے لیے ایک جامع حکومت کے قیام کے لیے مذاکرات کا مطالبہ کیا ہے لیکن ساتھ ساتھ اس عزم کا اظہار بھی کیا ہے کہ اگر طالبان نے وادی میں زبردستی داخل ہونے کی کوشش کی تو وہ مزاحمت کریں گے۔اتوار کو طالبان کی الامارہ انفارمیشن سروس نے بتایا تھا کہ سیکڑوں جنگجو پنجشیر کی طرف پیش قدمی کررہے تھے تاہم فوری طور پر کسی لڑائی کی تصدیق نہیں ہوئی ہے۔ذبیح اللہ مجاہد نے کہا کہ جنوبی افغانستان سے شمال کی طرف جانے والی مرکزی شاہراہ سالنگ پاس پر کھلی ہے اور دشمن کی افواج پنجشیر وادی میں ناکہ بندی کر چکی ہے لیکن ان کے بیان سے پتہ چلتا ہے کہ اس وقت کوئی لڑائی نہیں ہے۔ذبیح اللہ نے کہا کہ اسلامک امارت مسائل کو پرامن طریقے سے حل کرنے کی کوشش کر رہی ہے۔احمد مسعود کے قریبی لوگوں کا کہنا ہے کہ 6ہزار سے زائد جنگجو وادی میں جمع ہو چکے ہیں،

ان کا کہنا ہے کہ ان کے پاس کچھ ہیلی کاپٹر اور فوجی گاڑیاں ہیں اور سوویت یونین کی جانب سے چھوڑی گئی کچھ بکتر بند گاڑیوں کی مرمت کی ہے تاہم مغربی سفارت کاروں اور دیگر نے پنج شیر میں گروپوں کی بیرونی مدد کی کمی اور ہتھیاروں کی مرمت اور دیکھ بھال کی ضرورت کے پیش نظر مؤثر مزاحمت کے بارے میں شکوک و شبہات کا اظہار کیا ہے۔

موضوعات:

آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں


کالم



7مئی 2025ء


پہلگام واقعے کے بارے میں دو مفروضے ہیں‘ ایک پاکستان…

27ستمبر 2025ء

پاکستان نے 10 مئی 2025ء کو عسکری تاریخ میں نیا ریکارڈ…

وہ بارہ روپے

ہم وہاں تین لوگ تھے‘ ہم میں سے ایک سینئر بیورو…

محترم چور صاحب عیش کرو

آج سے دو ماہ قبل تین مارچ کوہمارے سکول میں چوری…

شاید شرم آ جائے

ڈاکٹرکارو شیما (Kaoru Shima) کا تعلق ہیرو شیما سے تھا‘…

22 اپریل 2025ء

پہلگام مقبوضہ کشمیر کے ضلع اننت ناگ کا چھوٹا…

27فروری 2019ء

یہ 14 فروری 2019ء کی بات ہے‘ مقبوضہ کشمیر کے ضلع…

قوم کو وژن چاہیے

بادشاہ کے پاس صرف تین اثاثے بچے تھے‘ چار حصوں…

پانی‘ پانی اور پانی

انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…

ڈیتھ بیڈ

ٹام کی زندگی شان دار تھی‘ اللہ تعالیٰ نے اس کی…