اوکاڑہ(این این آئی)اوکاڑہ کے نواحی علاقہ ہیڈ سلیمانکی میدان جنگ بن گیا، پولیس کے شہری پر مبینہ تشدد کے خلاف شہریوں کے صبر کا پیمانہ لبریز ہو گیا،مظاہرین نے ایس ایچ او کا گھیراؤ کر لیا اہلکاروں پر تشدد پولیس وین کی توڑ پھوڑ پولیس کی طرف سے ہوائی فائرنگ شہریوں کی جانب سے پولیس پر پتھراؤ کیا گیا جس کے نتیجے
میں دو اہلکار زخمی ہو گئے۔ تفصیلات کے مطابق اوکاڑہ کا نواحی علاقہ ہیڈ سلیمانکی میدان جنگ بن گیا پولیس چوکی کے اہلکاروں نے اعظم نامی نوجوان کو نشہ کرتے گرفتار کیا اور تشدد کا نشانہ بنایا جس پر علاقہ مکینوں نے پولیس کے خلاف شدید احتجاج کرتے ہوئے حویلی لکھا بہاولنگر روڈ پر ٹائروں کو آگ لگا کر بلاک کر دی پولیس مخالف نعرے بازی پولیس کے موقع پر پہنچنے پر مشتعل مظاہرین نے پولیس پر پتھراؤ کیا گاڑی کو نقصان پہنچایادو اہلکار زخمی ہوگئے ایس ایچ او رانا محمد امین کے حکم پر پولیس نے مشتعل مظاہرین کو منتشر کرنے کے لئے ہوائی فائرنگ کی پولیس اہلکاروں پر مظاہرین کی جانب سے پتھراؤ کیا گیا متعدد پولیس اہلکاروں نے دکان میں چھپ کر جان بچائی ضلع بھر سے پولیس کی بھاری نفری طلب کر لی گئی ہے آخری اطلاعات آنے تک کشیدگی جاری تھی۔دوسری جانب لاہور میں ریس کورس کے علاقہ میں تیز رفتار گاڑی نے راہگیر کو بے دردی سے کچل دیا۔ بتایا گیا ہے کہ تیز رفتار گاڑی کی زد میں آکر زخمی ہونے والے 30 سالہ نا معلوم شخص کو زخمی حالت میں ہسپتال منتقل کیا گیا مگر وہ زخموں کی تاب نہ لاتے ہوئے دم توڑ گیا۔ ایدھی رضاکاروں نے30 سالہ نامعلوم کی لاش کو پولیس کاروائی کے بعد مردہ خانہ منتقل کر دیا۔
