لاہور(این این آئی) وزیراعلیٰ سردار عثمان بزدار سے وزیر اعلیٰ آفس میں پنجاب کے نئے انسپکٹر جنرل پولیس محمد طاہر نے ملاقات کی۔ وزیراعلیٰ نے نئے انسپکٹر جنرل پولیس محمد طاہر کو ذمہ داریاں سنبھالنے پر مبارکباد دی اور نیک خواہشات کا اظہار کیا۔وزیر اعلیٰ نے اس موقع پر گفتگو کرتے ہوئے کہا کہ آپ کی تقرری میرٹ اور پیشہ ورانہ انداز میں ہوئی ہے۔ پولیس کو عوام سے بہت توقعات ہیں۔پولیس کو مکمل طور پر غیر جانبدار بنانا ہے۔
ایسی پولیس جو سائلین کی حقیقی خدمت کر سکے۔ انہوں نے کہا کہ پولیس میں تبدیلی نظر آنی چاہیئے۔وزیر اعلیٰ نے کہا کہ امید ہے کہ آپ نئے پاکستان میں نئی پولیس کو پروان چڑھائیں گے۔ انسپکٹر جنرل پولیس محمد طاہر نے اس موقع پر کہا کہ پولیس کے نظام میں بہتری کیلئے ہر ممکن اقدام اٹھائیں گے۔ہر کام میرٹ اور انصاف کے تقاضوں کو مدنظر رکھ کر کیا جائے گا۔ڈی آئی جی ہیڈکوارٹر شہزادہ سلطان بھی اس موقع پر موجود تھے۔
