ممبئی(این این آئی) اداکارہ ٹوئنکل کھنہ نے اہم انکشاف کرتے ہوئے کہا ہے کہ وہ اداکارہ نہیں بلکہ چارٹرڈ اکاؤنٹنٹ بننا چاہتی تھیں۔بالی ووڈ اداکارہ اور ایکشن ہیرو اکشے کمار کی اہلیہ ٹوئنکل کھنہ بالی ووڈ میں اپنے کام کی وجہ سے کوئی خاص مقام نہیں بنا پائیں اور ان کے فلمی کیرئیر میں زیادہ تر ان کے نام ناکام فلمیں ہی رہیں، جب اداکارہ کو اس بات کا احساس ہوا کہ وہ اب مزید فلموں میں کام نہیں کرسکتیں تو انہوں نے 2001 میں اپنی آخری فلم ’’

پیار کے لیے کچھ بھی کرے گا‘‘ کے بعد فلم نگری سے کنارہ کشی اختیار کرنے کا فیصلہ کیا اورپھر مصنفہ کے طور پر اپنی شناخت بنائی جس میں وہ کامیاب بھی رہیں۔بھارتی میڈیا رپورٹس کے مطابق ٹوئنکل کھنہ نے ایک انٹرویو میں اہم انکشاف کرتے ہوئے کہا کہ انٹر کرنے کے بعد چاہتی تھی کہ چارٹرڈ اکاؤنٹنٹ بنوں لیکن کیوں کہ والدین کا تعلق فلم انڈسٹری سے تھا تو وہ چاہتے کہ میں بھی ان کے نقشِ قدم پر چلتے ہوئے بالی ووڈ میں قدم

رکھوں۔ٹوئنکل کھنہ نے بالی ووڈ میں اپنے مختصر کریئر کے حوالے سے کہا کہ 8 سال بعد اندازہ لگالیا تھا کہ میں کامیاب اداکارہ بننے میں ناکام رہی ہوں اور اس بات کا مجھے دکھ بھی ہوا لیکن میں اس سے بد دل نہیں ہوئی پھر یہ احساس بھی ہوا کہ کسی شعبے میں ناکامی کا مقصد یہ نہیں کہ انسان خود ناکام ہوچکا ہے۔واضح رہے ٹوئنکل کھنہ متعدد بالی ووڈ فلموں میں کام کرچکی ہیں جس میں ’’جب پیار کسی سے ہوتا ہے‘‘ ، ’’انٹر نیشنل کھلاڑی‘‘ ، ‘‘بادشاہ‘‘ ،’’میلہ‘‘ اور دیگر شامل ہیں۔