کیلی فورنیا(این این آئی) 62 سالہ روون اٹکنسن جنھوں نے مسٹر بین کے نام سے آئیکونک کامیڈی کا کردار ادا کیا، ایک بار پھر ٹی وی اسکرین پر نظر آئیں گے۔روون اٹکنسن نے ایک انٹرویو کے دوران بتایا کہ اس سیریز کی نئی اقسام پر کام ہورہا ہے جس میں مسٹر بین کو ایک بزرگ پنشنر کے روپ میں دکھایا جائے گا۔انہوں نے بتایا کہ مسٹر بین کو بڑھاپے کے روپ میں دکھانا بہت پر مزاح ہوگا
اور دیکھنا ہوگا کہ ہم کس قسم کا مزاح اس کردار سے نکال سکتے ہیں، مگر یہ بات یقینی ہے کہ ایک بزرگ شخص کا کردار کافی مزاحیہ ہوگا۔ ان کا مزید کہنا تھا کہ وہ مسٹر بین کے کردار سے کبھی ریٹائر نہیں ہوں گے۔واضح رہے کہ مسٹر بین کا کردار پہلی بار چھوٹی اسکرین پر 1990 میں جلوہ گر ہوا تھا جس کی متعدد اقساط 1995 تک نشر ہوئیں۔
