ممبئی(این این آئی) بالی ووڈ اداکار شاہد کپور کی اہلیہ میرا راجپوت کو بالی ووڈ میں متعدد ہدایتکاروں کی جانب سے پراجیکٹس کی آفرزہونے لگیں ۔بھارتی میڈیا رپورٹس کے مطابق اداکارشاہد کپورکی اہلیہ کا بالی ووڈ انڈسٹری سے کوئی تعلق نہیں تاہم وہ اداکارسے شادی اور بیٹی ’میشا‘ کی پیدائش کے بعد خبروں کی زینت بنی رہتی ہیں تاہم اب میرا راجپوت کواپنے شویراوراداکار شاہد کپورکے ہمراہ متعدد ہدایتکاروں کی جانب سے فلموں
کی آفرہورہی ہے۔ اس حوالے سے جب اداکار شاہد کپورسے پوچھا گیا تو انہوں نے کہا کہ میرا ہر گزرتے دن کے ساتھ مشہور ہورہی ہیں اور انہیں بہت سی فلموں کی آفر بھی ہوچکی ہے تاہم ان کا ہر ہدایت کار ک لیے جواب ناں ہی ہے۔دوسری جانب جب میرا پہلی بار ہدایتکاروپروڈیوسرکرن جوہرکے پروگرام میں شوہرشاہد کپورکے ساتھ شریک ہوئی تھیں توکرن نے ان سے پوچھا تھا کہ اگروہ کسی فلم میں کام کرنا چاہیں تو وہ کس طرح کی ہوگی جس پرمیرا نے فلم ’پدماوتی‘ کا نام لیا اور کہا کہ انہیں فلم کی کہانی بہت پسند آئی ہے۔واضح رہے کہ اداکارشاہد کپوربھی متعدد انٹرویوزمیں اس بات کا اعتراف کرچکے ہیں کہ انہیں اس بات کی خوشی ہے کہ ان کی اہلیہ کا بالی ووڈ انڈسٹری سے کوئی تعلق نہیں ٗ میرا بھی بیٹی میشا کی پیدائش کے بعد اسی پر زیادہ توجہ دینے کی خواہشمند ہیں۔
