کراچی (این این آئی)پاکستان کی مارننگ شو میزبان شائستہ لودھی بہت جلد ٹی وی پر واپسی اختیار کرنے جارہی ہیں، جن کے مطابق وہ اس بار سب کچھ اپنے حساب سے کرتی نظر آئیں گی۔اپنے ایک انٹرویو انہوں نے کہا کہ میں یہ نہیں کہوں گی کہ میں جو کرنے جارہی ہوں وہ بالکل نیا اور الگ ہے، کیوں کہ ظاہر ہے ہمیشہ ہر چیز نئی نہیں کی جاسکتی، خاص طور پر اگر آپ ایک ایسا شو کررہے ہوں جو ہفتے میں 5 مرتبہ پیش کیا جائے، ایسے موقع پر زیادہ اہم یہ ہے کہ ہم شو کرکیسا رہے ہیں
مجھے ایسا لگتا ہے کہ مارننگ شو میزبان کی شخصیت پر مبنی ہوتے ہیں۔شائستہ لودھی کے مطابق اگر کوئی چیز انہیں سب سے منفرد بناتی ہے تو وہ ہے اپنے شوز پر آنے والے مہمانوں کو عزت دینا۔انہوں نے کہا کہ کئی لوگوں نے مجھ سے کہا کہ میرے شو میں آنے والی شخصیات خود کو کافی مطمئن محسوس کرتی ہیں، میں ان کے ذاتی معاملات میں دخل نہیں دیتی، جبکہ یہ عادت ہمارے یہاں کہ ٹاک شوز میں کافی عام ہے، میں صرف اتنی ہی بات کرتی ہوں جس میں سامنے والا شخص پرسکون ہو۔ویسے تو اب مارننگ شوز مواد اور سلوک کے حساب سے بیحد برے انداز میں تبدیل ہوچکے ہیں
تاہم شائستہ کو امید ہے کہ جلد یہ بہتری کی جانب تبدیل ہوجائے۔شائستہ کے مطابق میں ریٹنگ کے لیے ہر بیوقوفی کا کام نہیں کرنا چاہتی، میں ایسا نہیں کرتی کے میرے سامنے کوئی بڑی شخصیت موجود ہو، اور میں ان سے کہوں کہ اس سیب کو 3 چاک میں ختم کردیں، مجھے امید ہے کہ میری یہ سوچ مارننگ شوز میں بہتری لائے گی۔