اسلام آباد(مانیٹرنگ ڈیسک) پاکستان کے معروف مزاحیہ پروگرام خبردار سے میں کام رہے پاکستان کے معروف کامیڈین آغاماجد نے خبردار کو خیرباد کہہ دیاہے ۔ تفصیلات کے مطابق معروف پاکستانی کامیڈین آغاماجد جنہیں خبردار ٹیم کی جان بھی سمجھا جاتا تھا ، نے اچانک خبردار پروگرام چھوڑ دیا ۔ آفتاب اقبال سے جب اس بارے میں پوچھا گیا تو انہوں نے بتایا کہ آغا ماجد ہمارا پروگرام چھوڑ کر جا چکے ہیں اور مجھے نہیں معلوم کہ وہ پروگرام کیوں چھوڑ کر چلے گئے ہیں ۔ ان کا کہناتھا کہ ہو سکتا ہے کہ آغا صاحب کی کچھ ذاتی مصروفیات ہوں جس کے باعث انہوں نے پروگرام چھوڑ دیا ہوتاہم ابھی کچھ بھی کہنا قبل از وقت ہوگا ۔
واضح رہے کہ آغاماجد ایک پیشے سے ایک درزی ہیں اورملتان میں ان کی بوتیک بھی ہے ۔ اس کے ساتھ ساتھ آغا صاحب ورسٹائل ایکٹر ہیں جو کامیڈی کے ساتھ ساتھ گانا بھی بہت اچھا گاتے ہیں ۔ مہدی حسن مرحوم کے گائے گانے ان کی آواز میں سننے والوں کو مسحور کردیتے ہیں ۔ آفتاب اقبال نے مزید بتایا کہ آغا ماجد کیساتھ ہم 32 اقساط کینیڈا سے بنا کر آئے تھے جو کچھ عرصہ تک چلیں گی۔
