ممبئی (مانیٹرنگ ڈیسک )انڈین سپر اسٹار رجنی کانت کی فلم کابلی نے رواں سال ریلیز کے پہلے روز سب سے زیادہ بزنس کرنے والی فلم کا اعزاز اپنے نام کر لیا ہے۔ کابلی نے ریلیز کے پہلے روز 48 کروڑ انڈین روپے کما کر سلمان خان کی فلم سلطان کو پیچھے چھوڑ دیا جس نے پہلے روز 36.5 کروڑ انڈین روپوں کا بزنس کیا تھا۔ دلچسپ بات یہ ہے کہ فلم کابلی کے حوالے سے ناقدین نے کچھ زیادہ اچھی رائے نہیں دی مگر رجنی کانت کی اسٹار پاور اور تین زبانوں میں ریلیز کیے جانے پر لوگوں دیکھنے پر مجبور کر دیا ۔ یہ فلم تامل، تیلگو اور ہندی زبانوں میں ریلیز ہوئی اور اس نے سب سے زیادہ بزنس بھی تامل ناڈو میں کیا جہاں یہ 21.5 کروڑ روپے کمانے میں کامیاب رہی۔ دوسری جانب سلمان خان کی فلم سلطان تیزی سے انڈیا میں 300 کروڑ روپے کمانے کی جانب بڑھ رہی ہے۔ عید الفطر کے موقع پر ریلیز ہونیوالی فلم ’’سلطان‘‘ متعدد ریکارڈز توڑ چکی ہے اور ابھی بھی اچھا بزنس کر رہی ہے۔