لاہور (نیوز ڈیسک ) نامور گلوکارہ و ماڈل مسکان جے نے کہاہے کہ میرے والدین مجھے پائلٹ بنانا چاہتے تھے مگر تقدیر مجھے شوبز کی دنیا میں لے آئی ، گلوکاری کی دنیا میں موجودہ مقام اپنی انتھک محنت اور لگن سے حاصل کیا ہے جس پر میں ہمیشہ فخر کرتی ہوں ۔ ایک انٹرویو میں انہوں نے کہا کہ ذاتی طور پر سفارشی افراد سے دور رہنے کی کوشش کرتی ہوں ۔ انہوں نے کہا کہ میرے والدین مجھے پائلٹ بنانا چاہتے تھے مگر سکول کے زمانے میں ملی نغمے اور نعتیں شوق سے پڑھتی تھی اور میرے سکول کے اساتذہ بڑی حوصلہ افزائی کرتے تھے ، ان کی حوصلہ افزائی کے باعث میرے اعتماد میں بہت اضافہ ہوا ۔ جس کے بعد قسمت مجھے گلوکاری کی دنیا میں لے آئی ۔ مسکان جے نے کہا کہ میرا آنے والا گانا ’’ ٹپ ٹپ ‘‘ سے مجھے بہت امیدیں وابستہ ہیں ، اس گانے پر میں نے انتھک محنت کی ہے اور امید ہے کہ سننے والوں کو یہ گانا ضرور پسند آئے گا ۔