لاس اینجلس (نیوز ڈیسک) دنیائے فلم کی سب سے بڑی تقریب آسکر کے بارے میں حیران کن اعدادو شمار سامنے آ گئے۔ آسکر کو گھر بیٹھے صرف 34 ملین امریکیوں نے دیکھا جو 8 سالوں بعد سامعین کی سب سے کم ترین تعداد ہے،تفصیلات کے مطابق آسکر شو اس سال کا سب سے زیادہ دیکھا جانے والے شو رہا تاہم قومی سطح پر جاری ہونے والے ڈیٹا کے مطابق2016ءکے آسکر میلے کو دیکھنے والوں کی تعداد میں کمی واقع ہوئی ہے۔اس سال آسکر کی رنگا رنگ تقریب کو گھر بیٹھے 34 ملین امریکیوں نے دیکھا۔ اس سے قبل ایسی صورتحال 2008ءمیں دیکھنے میں آئی تھی جب ۔ ایک جانب تو آسکرمیلے نے ہر طرف دھوم مچا رکھی ہے تو دوسری طرف ریزی فلمی ایوارڈز کے بھی چرچے ہیں جس میں فلمی ستاروں کو بدترین کارکردگی پر ایوراڈز دیئے جاتے ہیں۔ تفصیلات کے مطابق ایسے میں جب ہر طرف فلمی دنیا کے سب سے بڑے آسکر ایوارڈز کا چرچا ہے دوسری طرف ریزی ایوارڈ کی تقریب بھی منعقد کی گئی۔اپنی نوعیت کی اس مختلف تقریب میں ہالی وڈ فلم ”ففٹی شیڈز آف گرے“ نے پانچ بدترین ایوارڈز اپنے نام کرلئے۔ یوں ریزی ایوارڈز میں بدترین فلم ہونے کا اعزاز ”ففٹی شیڈز آف گرے“ کے نام رہا۔فلم کو بدترین اداکار اور بدترین اداکارہ سمیت دیگر بدترین کیٹیگری کے ایوارڈ وصول کرنا پڑے۔ تقریب میں خصوصی ریزی ریڈی میر ایوارڈ سلویسٹر اسٹالون کے نام رہا۔ انہیں فلم ”کریڈ“ پر اس ایوارڈ سے نوازا گیا۔