ممبئی(نیوز ڈیسک )سلمان خان کی فلم ” پریم رتن دھن پائیو“ کی کامیابی نے اداکارہ سوارا بھاسکر کی کامیابی کے راستے بھی کھول دیے ہیں ۔ اس سے قبل اپنے کیریئر کے لئے سخت جدوجہد کرنے والی سوارا کا آنے والی فلم انارکلی آراوالی میں بھی اہم کردار ہو گا ۔نئی فلم میں وہ انار کلی کا ٹائٹل رول کر رہی ہیں ۔ اس کی شوٹنگ آج کل اتر پردیش کے شہر امروہا میں جاری ہے ۔ سوارا کے بارے میں کہا جاتا ہے کہ وہ فلم میں اپنا کردار انتہائی اعتماد کے ساتھ اور دلچسپی لے کر کرتی ہیں اور کوشش ہوتی ہے کہ ان کی طرف سے کوئی کمی نہ رہ جائے ۔ اتر پردیش میں شوٹنگ کے دوران لوگوں کا ایک بڑا ہجوم بھی موجود تھا ، جنہوں نے ان کی اداکاری کو بہت سراہا ہے ۔ سوارا نے 2011 میں فلم ”تنو ویڈز منو“ سے شہرت حاصل کی ، مگر انہیں بہت زیادہ فلمیں نہ مل سکیں ، اور پھر رواں سال اسی فلم کا دوسرا پارٹ بنا تو اس نے اپنی پرفارمنس کے جوہر دکھائے ، ان کی پہلی دو فلموں کو فلم فیئر ایوارڈ کے لئے بھی نامزد کیا گیا تھا ۔