ممبئی(نیوز ڈیسک) عالمی سطح تک شناخت بنانے کی تمنا اپنے دل میں رکھنے والی ادکارہ رادھیکا آپٹے کی نئی فلم بدلا پور حال ہی میں سینما گھروں کی رونق بن چکی ہیں۔ اس کے علاوہ رادھیکا کی ہنٹر ‘کون کتنے پانی میں اور پاچڑڈ جیسی فلمیں منظر عامپر آنے کو ہے۔ وہ ملیالی فلم حرام اور تیلگو فلم ’’دی فیلڈ ‘‘کی تیاری زور وں پر ہے۔ چودہ برسوں سے تھیٹر میں مصروف رہنے والے رادھیکا نے ممبئی کے پرتھوی تھیٹر اور این سی پی اے میں کچھ شو کئے تھے۔ وہیں ڈائریکٹروں نے انہیں دیکھا اور انہیں فلموں میں آنے کی آفر ملنے لگیں۔ حالانکہ شور ان دی سٹی اور رکت چرتر دو فلموں کی ریلیز کے پیلے رادھیکا کلاسیکل ڈانس سیکھنے کے لیے لندن چلی گئی تھیں۔ اس کی وجہ سے سے دو برسوں تک وہ فلموں سے دور رہیں۔ رادھیکا اپنی منزل تک پہنچنے کے لیے پر عزم ہیں۔ وہ لیک سے ہٹ کر فلموں میں کام کر کے عالمی سطح پر اپنا نام درج کرانا چاہتی ہیں۔ وہ طرح طرح کی فلموں میں جانا چاہتی ہیں۔ ایک جیسی فلمیں کرنا انہیں پسند نہیں ۔ شروع کی دونوں فلموں کے بعد انہیں کمزور عورت کی امیج والی تمام فلموں کے آفر ملے لیکن انہوں نے ان میں کام کرنے سے انکار کر دیا ہے کیونکہ وہ ایک دائرے میں سمٹ کر رہنا پسند نہیں کرتیں