بالی ووڈ کے دبنگ ہیرو سلمان خان کے بارے میں کہا جاتا ہے کہ ان کا ہاتھ جس آرٹسٹ کے سر پر ہو اس کی فلمی گاڑی تیزی سے دوڑنے لگتی ہے۔ یہی وجہ ہے کہ تمام ہیروئنیں اپنے دل میں خواہش رکھتی ہیں کہ وہ سلمان خان کے ساتھ ایک عدد فلم ضرور کریں۔ اس معاملے میں دپیکا پاڈوکون ابھی بدقسمت ہی رہیں ہیں۔ وہ بالی ووڈ میں لمبا عرصہ گزارنے کے باوجود سلمان خان جیسے ادکار کے ساتھ صرف اس لیے کبھی نظر نہیںآئیں کہ انہیں شاہ رخ خان کے نزدیک سمجھا جاتا ہے۔ شاہ رخ خان اور سلمان کے درمیان من مٹاؤ کی خبریں برسوں میڈیا کی سرخیوں میں رہی لیکن اب ان دونوں بڑے ادکاروں میں دوستی ہو گئی ہے تو ایسے میں دپیکا کی مراد پوری ہو سکے گی۔ یہی سوال باقی ہے۔ ابھی تک کم ہی کامیاب ہیروئنیں ہیں جن کے ساتھ سلمان کی جوڑی نہ بنی ہو۔ دپیکا پاڈوکون وہ ایسی ایکٹریس جنہیں لوگ سلمان خان کے ساتھ نہیں دیکھ سکے ہیں۔ اگرچہ ڈائریکٹر پروڈیوسر کی طرف سے کافی کوششیں کی گئی کہ دیپکا اور سلمان کو لے کر فلم بنائی جائے لیکن کسی وجوہات سے یہ بیل منڈیر نہیں چڑھ سکی۔ بالی ووڈ میں ہمیشہ چرچا رہ اکہ دیپکا سلمان کے ساتھ کام کرنا چاہتی ہیں۔ لیکن سلمان کبھی دیپکا کے ساتھ کام کرنے میں دلچسپی نہیں دکھائی کیونکہ اس وقت دپیکا شاہ رخ خان کے کافی قریب مانی جاتی تھیں۔ بتایا جاتا ہے کہ پروڈیوسر دائریکٹر سورج بڑجاتیا کی فلم پریم رتن دھن پایو میں سلمان خان کی ہیروئن دیپکا کو لینے کی باتیں سامنے آئی تھی لیکن آخر کار دیپکا کی مضبوط حریف سونم کپور فلم کی ہیروئن بنیں۔ ایک وقت ایسا تھا جب دیپکا کو شاہ رخ خا ن کی ہیپی نیو ائیر اور سلمان کان کی کک قریب قریب ایک ساتھ آفر کی گئی تھی لیکن دیپکا پاڈوکون نے شاہ رخ خان کی فلم ہیپی نیو ائیر کو ترجیح دی تھی۔ ایسے میں سلمان خان کا ناراض ہونا فطری تھا۔ اس ناراضگی سے دیپکا اور سلمان کے قریب آنے کے امکانات کو جھٹکا لگا۔ بعد میں سلمان خان کی کک میں جیکلن فرنڈیز کا فلمی کیئریر جو قریب قریب ٹھہرا ہوا محسوس ہو رہا تھا آگے بڑھنے لگا۔ اب جب دپیکا کو اپنی غلطی کا احساس ہو چکا ہے اور وہ سلمان خان کے قریب آنا چاہتی ہیں تو ایسے میں یہ امید کی جارہی ہے ان کی جوڑی فلموں میں بہت جلد نظر آئے گی۔ اس لیے بہت جلد دیپکا اور سلمان کی جوڑی کسی فلم میں نظر آتی ہے تو حیرت کی بات نہیں۔