ممبئی (نیوز ڈیسک) بالی ووڈ کے بے تاج بادشاہ سلمان خان کی پرستاروں میں مقبولیت کا یہ عالم ہے کہ انہیں بالی ووڈ کے مقبول ترین ہیرو کا خظاب مل چکا ہے۔ حال ہی میں برطانوی کمپنی نے ایک بین الاقوامی سروے کیا تو اس میں بھی سلمان خان بالی ووڈ کے سب ستاروں کو پیچھے چھوڑ گئے۔ آخر سلمان میں ایسا کیا ہے جو انہیں اتنا مقبول بناتا ہے؟ یہ محض ان کی اداکاری ہی نہیں بلکہ ان کی شخصیت کے نہایت خوبصورت پہلو بھی ہیں جو انہیں اس قدر مقبول بناتے ہیں۔ سلمان انسانوں کے علاوہ جانوروں سے محبت کیلئے بھی مشہور ہیں خصوصا اپنے پالتو کتوں کو تو وہ بہت ہی پیار کرتے ہیں۔ حالیہ دنوں میں سلمان ریاست راجھستان میں فلم ” بجرنگی بھائی جان” کی شوٹنگ کر رہے تھے کہ انہیں خبر ملی کہ ان کا کتا سپینڈی بیمار ہو گیا ہے وہ شوٹنگ چھوڑ کر گھر واپس آ گئے اور سپنڈی کے مکمل صحت یاب ہونے پر ہی کام پر واپس گئے۔ سلمان وہ فنکار ہیں کہ جن میں غرور و تکبر نام نہیں ہے، وہ اکثر اپنے پرستاروں کے ساتھ گھل مل جاتے ہیں اور فلم ”بجرنگی بھائی جان” کی شوٹنگ کے دوران وہ کئی دفعہ پسماندہ علاقوں میں جا کر لوگوں کو تحائف دیتے ہیں اور بچوں کے ساتھ فٹبال کھیلتے رہے ہیں۔ سلمان خان کی نیک دل اور سخاوت مشہور ہے۔ انہوں نے ایک فلاحی تنظیم ہیومن بئنگ بھی قائم کر رکھی ہے جس کیلئے وہ بھاری عطیات بھی فراہم کرتے ہیں۔ سلمان کی سب سے خوبصورت بات یہ ہے کہ وہ لوگوں کوخوش کر کے خوش ہوتے ہیں۔ وہ کسی بھی تقریب میں جائیں چٹکلے لوگوں کو مسکرانے پر مجبور کر دیتے ہیں۔ وہ اکثر اپنے مداحوں کو رقص آور گانے سے بھی خوش کر دیتے ہیں۔