اسلام آباد (نیوز  ڈیسک)آزاد کشمیر کے ضلع وادی نیلم میں برفانی تودے کے نیچے دبے ایک اور نوجوان کی لاش 4 ماہ بعد نکال لی گئی۔ پولیس ذرائع کے مطابق، یہ واقعہ نیلم کے علاقے دودگئی میں پیش آیا جہاں برفباری کے نتیجے میں تین نوجوان دب گئے تھے۔

پولیس کا کہنا ہے کہ حالیہ کارروائی کے دوران تیسرے نوجوان کی لاش نکال کر ورثاء کے حوالے کر دی گئی ہے۔ اس سے قبل دو نوجوانوں کی لاشیں پہلے ہی نکال لی گئی تھیں۔یاد رہے کہ 24 فروری کو یہ افسوسناک واقعہ پیش آیا تھا جس میں پھلاوائی گریس ویلی سے تعلق رکھنے والے تین قریبی دوست برفانی تودے تلے آ کر جاں بحق ہو گئے تھے۔ کئی ماہ کی مسلسل کوششوں کے بعد اب تمام لاشیں برآمد کر لی گئی ہیں۔