اسلا م آباد (نیوز ڈ یسک)اسلام آباد، پنجاب، خیبرپختونخوا کے بالائی حصوں، گلگت بلتستان اور آزاد کشمیر میں آج شام تیز ہواؤں کے ساتھ بارش ہونے کا امکان ظاہر کیا گیا ہے۔ محکمہ موسمیات کا کہنا ہے کہ کچھ علاقوں میں شدید بارش اور ژالہ باری بھی ہو سکتی ہے۔دوسری جانب، میدانی علاقے بدستور شدید گرمی کی لپیٹ میں ہیں۔ محکمہ موسمیات کے مطابق گذشتہ 24 گھنٹوں کے دوران ملک کے کئی حصوں میں درجہ حرارت خطرناک حد تک بڑھا رہا۔

ملک کے سب سے زیادہ گرم شہروں میں جیکب آباد، تربت اور سبی شامل رہے جہاں پارہ 47 ڈگری سینٹی گریڈ تک پہنچ گیا۔ اس کے علاوہ بھکر، لسبیلہ، حیدرآباد اور نواب شاہ میں درجہ حرارت 45 ڈگری ریکارڈ کیا گیا۔ لاہور، ملتان، جہلم اور ڈیرہ اسماعیل خان میں درجہ حرارت 42، جبکہ پشاور اور مظفرآباد میں 39 ڈگری سینٹی گریڈ رہا۔اسلام آباد کا درجہ حرارت 38، کراچی کا 37، کوئٹہ کا 34، اور گلگت کا 33 ڈگری سینٹی گریڈ ریکارڈ کیا گیا۔محکمہ موسمیات نے شہریوں کو مشورہ دیا ہے کہ وہ شدید گرمی اور ممکنہ بارشوں سے بچاؤ کے لیے احتیاطی تدابیر اختیار کریں۔