ٹوکیو(این این آئی )امریکہ جانے والی جاپانی ایئر لائنآل نیپون” کی پرواز میں اس وقت ہنگامی صورت حال پیدا ہو گئی جب ایک مسافر نے دورانِ پرواز طیارے کا ہنگامی دروازہ کھولنے کی کوشش کی۔ واقعہ طیارے کے اڑان بھرنے کے 9 گھنٹے بعد پیش آیا، جب پرواز ٹوکیو سے ہیوسٹن جا رہی تھی۔برطانوی اخبار کے مطابق مذکورہ شخص نے اچانک دروازہ کھولنے کی کوشش کی، اس وقت زیادہ تر مسافر سو رہے تھے۔
اس اچانک اقدام پر دیگر مسافروں میں خوف کی لہر دوڑ گئی۔صورتحال پر قابو پانے کے بعد، طیارے کے عملے نے پرواز کا رخ تبدیل کرتے ہوئے اسے سیاٹل ایئرپورٹ کی جانب موڑ دیا، جہاں طیارہ واقعے کے 45 منٹ بعد بحفاظت لینڈ کر گیا۔
