اسلام آباد( نیوز ڈیسک)مانسہرہ پولیس نے شوہر کو زہر دیکر قتل کرنے والی بیوی کو گرفتار کر لیا۔مانسہرہ کے تھانہ بٹل کی حدود میں سجاد ولد شاہ نظر سکنہ ڈنہ شارکول کی اچانک موت کی اطلاع پر پولیس نے بروقت کارروائی کرتے ہوئے لاش کا پوسٹ مارٹم کروایا جس میں متوفی کی موت کی وجہ زہر ثابت ہوئی۔
ابتدائی تفتیش اور شواہد کی روشنی میں پولیس نے مقتول کی بیوی مسماۃ (پ) کو حراست میں لیا ،جو دوران تفتیش قتل میں ملوث پائی گئی ۔پولیس کی جانب سے مزید تفتیش کا سلسلہ جاری ہے۔
