کراچی(این این آئی) سپر ہائی وے گڈاپ ٹاون میں واقع مدرسے سے 13 سالہ لڑکے کی تشدد زدہ لاش مل گئی، بچے کو زیادتی کے بعد گلا گھونٹ کر قتل کیا گیا۔تفصیلات کے مطابق کراچی میں سپر ہائی وے گڈاپ ٹاون میں واقع مدرسے سے 13 سالہ لڑکے کی تشدد زدہ لاش ملی۔پولیس کی ابتدائی تحقیقات میں بتایا گیا کہ بچے کی شناخت 13 سالہ مجیب الرحمان کینام سیہوئی ، مجیب الرحمن کو جنسی درندوں نے زیادتی کے بعد گلا دبا کر قتل کیا تاہم مدرسے کے معلم سمیت 2 افراد کو حراست میں لیکر تفتیش شروع کردی۔

عباسی شہید ہسپتال میں پوسٹمارٹم کے دوران بھی بچے پر تشدد اور زیادتی کی تصدیق ہوگئی ہے۔جس کے بعد پولیس نے مدرسے کے معلم سمیت متعدد افراد کو مجیب الرحمن کے قتل کے شبے میں شامل تفتیش کرلیا ہے۔ورثا نے کہا کہ مجیب 3 برس سے گڈاپ ٹائون میں واقع مدرسے میں زیر تعلیم تھا ، پہلے بھی متعدد مرتبہ معلم کی جانب سے تشدد کی شکایت کرچکا تھا، قاتلوں کو گرفتار کیا جائے۔بھائی نے الزام لگایا تھا کہ مجیب الرحمان کیساتھ بدفعلی کی گئی، 5ماہ قبل بھی بدفعلی کی شکایت کی تھی، معلم سمیت 3 سے4 افراد ملوث ہیں،سخت سزادی جائے۔