اسلام آباد (نیوز ڈیسک) برطانیہ میں ٹیکس اور بینک ڈیفالٹ کے الزامات کے بعد سابق وزیرِ اعظم نواز شریف کے صاحبزادے، حسن نواز، کے تمام کاروباری ادارے بند کر دیے گئے ہیں۔

ذرائع کے مطابق حسن نواز کو برطانوی عدالت کی جانب سے نہ صرف بینک ڈیفالٹر قرار دیا گیا بلکہ ان پر 5.2 ملین پاؤنڈز کا بھاری جرمانہ بھی عائد کیا گیا ہے۔ اس عدالتی فیصلے کے بعد ان کے زیرِ نگرانی کام کرنے والی تمام سات کمپنیاں تحلیل کر دی گئی ہیں۔

معلوم ہوا ہے کہ یہ کمپنیاں کمپنی ہاؤس یا برطانوی ٹیکس اتھارٹی (HMRC) کے ذریعے بند کی گئی ہیں۔ حسن نواز ان تمام کمپنیوں کے ڈائریکٹر کے طور پر کام کر رہے تھے۔

یاد رہے کہ حسن نواز پر کئی سالوں سے برطانیہ میں مالی بے ضابطگیوں کے الزامات لگتے رہے ہیں، اور حالیہ عدالتی فیصلے کے بعد ان کے کاروباری مفادات کو شدید دھچکا پہنچا ہے۔