پشاور(این این آئی)ڈی آئی خان سے پی ٹی آئی کے سابق ایم پی اے آغاز خان گنڈا پور نے پارٹی سے راہیں جدا کر لی، آغاز خان گنڈا پور نے پارٹی چھوڑنے کااعلان کردیا، نو مئی واقعات کے بعد اپنا سیاسی سفر پی ٹی آئی کے ساتھ مزید جاری نہیں رکھ سکتا۔

پشاورمیں پریس کانفرنس کرتے ہوئے انہوں نے کہاکہ ریاست کے خلاف اقدامات سے ریاست ہی کمزور ہو گی، 9 مئی کے واقعات میں ملوث عناصر کو سزا ملنی چاہئے، ہمارے خاندان نے ملک وقوم کی خدمت کی ہے، میرا تعلق شہیدوں کے خاندان سے ہے۔آغاز خان گنڈا پورنے کہاکہ اب سے عمران خان اور پی ٹی آئی سے راستے جدا کر لئے ہیں، نو مئی کے بعد اپنا سیاسی سفر پی ٹی آئی کے ساتھ مزید جاری نہیں رکھ سکتا، 9 مئی کے واقعات میں شہدا کی بے حرمتی کی گئی، خاندان کے شہدا کا خون رائیگاں نہیں جائے گا،میں خود شہداء کے خاندان سے ہو 9 مئی کے واقعات سے دکھ ہوا، آج سے پی ٹی آئی کے ساتھ میرا کوئی تعلق نہیں۔