اسلام آباد (مانیٹرنگ ڈیسک )عوام کی بڑی تعداد نعرے تکبیر کے نعرے لگاتے ہوئے GHQ پنڈی پہنچ گئی۔تفصیلات کے مطابق چیئرمین تحریک انصاف و سابق وزیراعظم عمران خان کی گرفتاری کے بعد ملک بھر میں عوام شدید ردعمل آرہا ہے ،

عوام کی بڑی تعداد سڑکوں پر آگئی ہے اور گرفتاری کیخلاف اپنا احتجاج ریکارڈ کر وا رہی ہے اس حوالے سے عوام کی بڑی تعداد راولپنڈی جی ایچ کیو پہنچ گئی ہے ویڈیو میں دیکھا جا سکتا ہے کہ پنڈی جی ایچ کے سامنے عوام کی بڑی تعداد نعرہ تکبیر بلند کرتے ہوئے گیٹ کا درواز کھول کر اندر بھی داخل ہوئی ہے ۔ دوسری جانب چیئرمین پاکستان تحریک انصاف اور سابق وزیراعظم عمران خان کی گرفتاری کے خلاف پی ٹی آئی کارکنان سڑکوں پر نکل آئے۔نجی ٹی وی دنیا نیوز کے مطابق ڈنڈا بردار کارکنوں نے کینال روڈ کو دونوں اطراف سے بند کر دیا، زمان پارک کا کنٹرول بھی پی ٹی آئی کارکنان نے سنبھال لیا ہے، ٹھنڈی سڑک اور جیل روڈ کو بھی کارکنان نے ٹریفک کیلئے بند کر دیا، مال روڈ پر بھی پی ٹی آئی نے احتجاج شروع کر دیا ہے۔سڑکوں کی بندش سے عوام کو مشکلات کا سامنا کرنا پڑ رہا ہے، شہر کی مین شاہراہوں کی بندش کے باعث اطراف کی سڑکوں پر گاڑیوں کی طویل قطاریں لگ گئی ہیں۔دوسری جانب پی ٹی آئی کی جانب سے سابق وزیراعظم عمران خان کی گرفتاری پر مذمتوں کا سلسلہ جاری ہے۔