مظفر آباد(این این آئی) آزاد کشمیر کے ساق وزیراعظم سردار تنویر الیاس نے کہا ہے کہ ایک سال سے عمران خان اورپی ٹی آئی رہنما اداروں کیخلاف لوگوں کے ذہن میں خدشات پیدا کررہے ہیں، آپ پاکستان کی جڑیں کاٹ رہے ہیں ۔
ایک بیان میں سردار تنویر الیاس نے کہا کہ عوام اور مسلح افواج کے درمیان خلیج پیدا کرنے کی کوشش کی جارہی ہے، قوم مسلح افواج پر یقین رکھتی ہے اور یہ اعتماد کا رشتہ ہے۔آئی ایس پی آر کی جانب سے جاری بیان کے بعد سابق وزیراعظم آزادکشمیر نے کہاکہ مسلح افواج ملک و قوم کیلئے قربانیاں دیتی ہیں، مسلح افواج ملک و قوم کی سکیورٹی کی ضامن ہیں، قوم کو مسلح افواج پر ناز ہے فخر ہے، آپ بدزنی پیدا کررہے ہیں۔انہوں نے کہا کہ آپ پاکستان کی جڑیں کاٹ رہے ہیں، جڑوں پر حملہ کررہے ہیں، یہ وقت ہے کہ ایسے کاموں اورعوامل کی ناصرف سرکوبی کی جائے بلکہ شدید مذمت کی جائے، ایسے عوامل کی مذمت کرنی ہوگی، اس کے لیے سب اپنا کردار اد اکریں، پاکستان کو کمزور کرنے والے عوامل کو روکنے کیلئے تمام محب وطن لوگوں کو آگے آنا ہوگا، عوام اور مسلح افواج کے درمیان رشتوں میں بگاڑاوردراڑ ڈالنے کی کوشش کوروکنا ہوگا ۔واضح رہے کہ پاک فوج کے شعبہ تعلقات عامہ (آئی ایس پی آر) نے پاکستان تحریک انصاف کے چیئرمین عمران خان کے الزامات کی مذمت کی ہے۔آئی ایس پی آر کے مطابق چیئرمین پی ٹی آئی نے بغیرثبوت انتہائی بے بنیاد الزامات لگائے، حاضر سروس فوجی افسر پر بغیرثبوت الزامات انتہائی غیر ذمہ دارانہ ہیں۔
