اسلام آباد (مانیٹرنگ ڈیسک ) پنجاب کے صوبائی دارالحکومت لاہور میں آٹے کی قیمت میں ایک بار پھر اضافہ کر دیاگیا،فلور ملوں نے بیس کلو آٹے کا تھیلا 2600 روپے سے بڑھا کر 2700 روپے کردیا۔ٹوئنٹی فور نویز کے مطابق چیئرمین فلور ملز ایسوسی ایشن افتخار مٹوکاکہناتھا کہ اوپن مارکیٹ میں گندم کے نرخ پانچ ہزار سے تجاوز کرگئے ہیں،فلور ملوں کو سرکاری قیمت پر گندم دستیاب نہیں، مجبوراً اوپن مارکیٹ سے مہنگی گندم خرید رہے ہیں۔ افتخار مٹوکاکہناتھا کہ گندم کی عدم دستیابی پر لاہور کی 70فیصد ملیں بند ہو گئی ہیں،جب فلور ملوں کو گندم سرکاری نرخوں پر ملے گی تو ریٹ نہیں بڑھے گا،چیئرمین فلور ملز ایسوسی ایشن کاکہناتھا کہ پنجاب میں آٹے کا بحران جنم لے رہا ہے،وزیر اعلیٰ پنجاب معاملے کا نوٹس لیں۔