سیالکوٹ(این این آئی) مسلم لیگ (ن) کے مرکزی رہنما اور وفاقی وزیر دفاع خواجہ آصف نے کہا ہے کہ عدلیہ کا کام قانون اور آئین کے مطابق فیصلے کرنا ہے پنچایت لگانا نہیں۔

میڈیا سے گفتگو کرتے ہوئے (ن لیگی رہنما خواجہ آصف نے کہا کہ کہاں لکھا ہے عدلیہ مذاکرات کروائے گی، پنچایت لگانا یا مذاکرات کرنا سیاسی لوگوں کا کام ہے، جب عدلیہ کی بات آتی ہے تو یہ عوام کیاعتبار کی بات ہوتی ہے۔انہوں نے کہا کہ گزشتہ چند ماہ کیدوران حالات نے کروٹ لی ہے، سابق چیف جسٹس ثاقب نثار نواز شریف کی دشمنی میں بہت دورنکل گئے تھے، ثاقب نثار نے ٹی وی پر تسلیم کیا کہ یہ میرے بیٹے کی آڈیو ہے، ثاقب نثار ہی نہیں تحریک انصاف کی لیڈرشپ بھی بے نقاب ہوگئی ہے۔خواجہ آصف نے کہا کہ عمران خان کو اب نئے سہولت کار ملے ہوئے ہیں، عمران خان نے وزیر آباد کا لانگ مارچ بھی کسی کے کہنے پر کیا تھا، اقتدار سے دوری عمران خان کو اندر سے کھائے جا رہی ہے، آج ملک کے تمام بحرانوں کے ذمہ دار عمران خان ہیں۔

موضوعات:خواجہ آصف