کراچی(این این آئی)پی ڈی ایم میں دڑاریں پڑنے کے بعد پاکستان پیپلز پارٹی نے این اے 249 میں بھرپورحصہ لینے کا اعلان کیاہے۔ذرائع کے مطابق سینیٹ کا الیکشن متفقہ طور پر لڑنے والی اپوزیشن جماعتوں نے کراچی کے حلقے این اے 249 پر علیحدہ علیحدہ حیثیت میں اپنے امیدوار میدان میں اتارنے کا فیصلہ کیا ہے،

اس میں پہل بھی پیپلز پارٹی کی جانب سے کی گئی ہے۔اس ضمن میں پاکستان پیپلزپارٹی کی رہنمااورصوبائی وزیر ترقی نسواں شہلا رضا نے کہا کہ این اے249 میں پیپلزپارٹی اپنا امیدوار لائے گی اور علیحدہ حیثیت میں ضمنی الیکشن میں حصہ لے گی۔انہوں نے بلاول بھٹو کی جانب سے قومی اسمبلی سے مستعفی نہ ہونے کے اعلان کی حمایت کرتے ہوئے کہا کہ پیپلز پارٹی پارلیمنٹ کو مقدم سمجھتی ہے، پی پی پی کا واضح اعلان ہے کہ مسائل کو پارلیمنٹ میں رہ کر ہی حل کیا جائے۔صوبائی وزیر نے کہا کہ کراچی میں مختلف مسائل ہیں جنہیں حل کرنیکی کوشش کررہے ہیں، پیپلز پارٹی نے شہر قائد میں ریکارڈ ترقیاتی کام کئے، سندھ حکومت نے کراچی میں جو کام کئے وہ عوام کو نظر آرہے ہیں۔واضح رہے کہ اس حلقے میں پیپلز پارٹی کی جانب سے 3، متحدہ پاکستان کے 7، تحریک انصاف کے 13 اور نون لیگ کی جانب سے 3 امیدواروں نے کاغذات نامزدگی جمع کرائے ہیں۔ پی ڈی ایم میں دڑاریں پڑنے کے بعد پاکستان پیپلز پارٹی نے این اے 249 میں بھرپورحصہ لینے کا اعلان کیاہے۔ذرائع کے مطابق سینیٹ کا الیکشن متفقہ طور پر لڑنے والی اپوزیشن جماعتوں نے کراچی کے حلقے این اے 249 پر علیحدہ علیحدہ حیثیت میں اپنے امیدوار میدان میں اتارنے کا فیصلہ کیا ہے