اسلام آباد (این این آئی) پاکستان ڈیمو کریٹک موومنٹ کے سربراہ مولانا فضل الرحمن نے ایک بار پھر پارلیمنٹ سے استعفوں کی تجویز پیش کرتے ہوئے کہاہے کہ ہمیں واضح حکمت عملی کے ساتھ لانگ مارچ کرنا چاہیے، اسلام آباد یا راولپنڈی پہنچ کر چند روز قیام ہونا چاہیے۔مولانا فضل الرحمن نے پی ڈی ایم اجلاس سے خطاب کرتے ہوئے کہاکہ ہمیں واضح حکمت عملی
کے ساتھ لانگ مارچ کرنا چاہیے، اسلام آباد یا راولپنڈی پہنچ کر چند روز قیام ہونا چاہیے۔مولانا فضل الرحمن نے کہاکہ ملکی معیشت تباہ کر دی گئی ہے، موجودہ حکومت کی خارجہ پالیسی بھی ناکام ہے۔ انہوں نے کہاکہ ہمیں پارلیمنٹ سے استعفے دینے چاہیں، استعفے دیکر ساری توجہ تحریک پر دینی چاہیے۔ انہوں نے کہاکہ استعفے بھی جمہوری عمل ہے۔
