کوئٹہ(آن لائن)پاکستان مسلم لیگ(ن) کی نائب صدر مریم نواز شریف نے وزیراعظم عمران خان کو مخاطب کرتے ہوئے کہاہے کہ میں سیاسی اختلافات کوپس پشت ڈال کر آپ سے کہتی ہوں کہ خدارا آؤ،منفی درجہ حرارت میں بیٹھے لوگوں کے سرپر ہاتھ رکھو،ریاست ماں ہے اورعوام کی جان ومال کا تحفظ اس کی ذمہ داری ہے، ہزارہ
برادری نے وطن کی ترقی،خوشحالی اور دفاع کیلئے قربانیاں دیں، آج ریاست کی بھاری ذمہ داری ہے کہ وہ ان مظلوموں کے زخموں پرمرہم رکھیں۔ان خیالات کااظہار انہوں نے جمعرات کو کوئٹہ میں مچھ واقعہ کے لواحقین اور ہزارہ برادری کی جانب سے جاری دھرنے کے شرکاء سے خطاب کرتے ہوئے کیااس موقع پر پاکستان مسلم لیگ(ن) کے قائدین احسن اقبال،رانا ثناء اللہ،مریم اورنگزیب،انجینئر خرم دستگیر، سینیٹرپرویز رشید،جمال شاہ کاکڑ،رحیم کاکڑ ودیگر بھی موجود تھے۔مریم نواز نے کہاکہ ہزارہ برادری سے جو ان کے پیارے چھینے گئے ہیں اور آپ پر جو قیامت ٹوٹی ہے ان پر میاں نوازشریف،شہبازشریف اورمسلم لیگ(ن) کی طرف سے تعزیت کااظہار کرتی ہوں،مجھے سمجھ نہیں آرہا گزشتہ پانچ دنوں سے یہ غم ٹی وی پر دیکھ رہے ہیں اور میں اپنی بات کہاں سے شروع کروں،جس پر غم ہو اس کاانداز ہ اس سے بہتر کوئی نہیں لگا سکتاہم تکلیف اور غم میں شریک ہوسکتے ہیں لیکن ان دکھوں اور غم کااحساس نہیں کرسکتے،انہوں نے کہاکہ مجھ سے ان قتل ہونے والے لوگوں کی وہ تصاویر نہیں دیکھی گئی،بچے ٹی وی پر ایک بے حس کو پکا رہی تھی کہ جب تک آپ نہیں آئیں گے ہم میتوں کو نہیں دفنائیں گے،ایک طالب علم جو کالج فیس جمع کرنے کیلئے کان میں کام کرنے کیلئے گیا تھا،یہاں ایسی میت بھی ہے جس کے خاندان
میں تدفین کیلئے کوئی مرد نہیں ہے،ہزارہ برادری کو دو میٹر کی ریڈیس تک کیلئے محدود کردیاگیاہے انہیں روزگار،کالج سکولز میں آزادنہ نقل کی آزادی نہیں،2ہزار شہداء کیلئے میرے لئے الفاظ نہیں،یہاں بیٹھا ہر شخص دکھ اور درد کا داستان ہے سارے سیاسی اختلافات بھلا کر یہ کہنا چاہتی ہوں کہ عمران خان آؤ ریاست کاکام تحفظ
دیناہے،کہتے ہیں ریاست ماں کی طرح ہے مجھے احساس ہے کہ ماں نے اپنا حق ادا نہیں کیا،اگر آپ اپنی ذمہ داری میں ناکام ہے تو آپ ہمت کرے چل کرآئیں اور ان لواحقین کے داد رسی کرے،لواحقین لاشیں رکھ کر آپ کے منتظر ہیں،کہاجاتاہے کہ اس پر سیاست نہ کرے ہم لاشوں پر سیاست نہیں کرتے اگر آپ سیاست سیاست کہہ کر اپنی ناکامی
چھپانے کی کوشش کرینگے تو یہ ہم ہونے نہیں دینگے،آپ کو آنا ہوگا لواحقین منفی درجہ حرارت میں لاشیں رکھ کراحتجاج پربیٹھے ہیں ان کا کوئی بڑا مطالبہ نہیں صرف آپ کو آنے اور بات کرنے کاکہہ رہے ہیں تاکہ وہ لاشیں دفنائیں،میں ہزارہ برادری کانمائندہ بن کر سوال پوچھنے کیلئے حق بجانب ہوں کہ آپ اپنے لوگوں کے غم میں
شریک ہوں ان کے سرپر ہاتھ رکھ کردکھ بانٹیں،انہوں نے اپیل کی کہ اللہ کے مخلوق پر رحم کیاجائے،ارباب اختیار اور اقتدار کی کرسی پر بیٹھے شخص کی بے حسی پر افسوس ہے،مجھے ایک ماں،بیٹی اور ایک بہن کی حیثیت سے ہزارہ برادری کے دکھوں کا احساس ہے،انہوں نے کہاکہ ہزارہ برادری وہ قوم جنہوں نے اس ملک کی خدمت
اور وطن کادفاع کیاہے بلکہ ملک کی ترقی میں اپنا کردارادا کیاہے ریاست کی بھاری ہے کہ وہ اپنا حق ادا کرے اور ہزارہ برادری کے زخموں پر مرہم رکھیں،اگر حکمران یہاں نہیں آتے تو وہ سن لیں یہ قوم اس کو کرسی پربیٹھنے کی اجازت نہیں دے گی،پاکستان مسلم لیگ(ن) کے تمام ہمدردیاں ہزارہ برادری اور لواحقین کے ساتھ ہیں۔
