پشاور(آن لائن)کرونا کی دوسری لہر کے باعث پشاور سمیت صوبے بھرکی جیلوں میں قیدیوں کے اہل خانہ سے ملاقاتوں پر تین دن کے لئے پابندی عائد کردی ہے ہفتہ میں صرف 4دن فیملیز کو ملاقاتوں کی اجازت ہو گی پشاور سمیت صوبے بھر کے تمام جیل خانہ جات انتظامیہ کو کرونا وائرس کے باعث حفاظتی اقدامات کی ہدایات کی گئی ہے جیلوں میں کرونا وائرس پھیلنے
کے خدشات پہلے سے ہی ظاہر کئے گئے ہیں ۔ نئے آنے والے قیدیوں کو علیحدہ رکھنے کی ہدایات کی گئی ہیں کرونا وائرس پھیلنے کے خدشات کے باعث محکمہ جیل خانہ جات نے پیر ،منگل ، بدھ ، جمعرات تک ملاقاتوں کی اجازت دیدی ہے جبکہ جمعہ ،ہفتہ ، اتوار کو ملاقاتوں پر پابندی عائد ہو گی ا س سے قبل بھی سنٹرل جیل میں کرونا وائرس پھیل گیاتھا۔
