لاہور (آن لائن)مسلم لیگ نون پنجاب کے صدر رانا ثناء اللہ نے کہا ہے کہ اپوزیشن کو بھی ایس او پیز کے ساتھ جلسوں کا حق ہے۔ میڈیا سے گفتگو کرتے ہوئے مسلم لیگ نون پنجاب کے صدر رانا ثناء اللّٰہ نے کہا کہ حکومت کے پاس عوام کا مینڈیٹ نہیں ہے۔ انہوں نے کہا کہ
ہم جمہوری اور سیاسی جماعت ہیں، شفاف الیکشن کرائے گئے تو جو ہو گا اس کے نتائج قبول کریں گے۔ مسلم لیگ نون کے رہنما رانا ثناء اللّٰہ کا مزید کہنا ہے کہ پی ڈی ایم یا کسی بھی اپوزیشن جماعت کا کسی سے بھی کوئی جھگڑا نہیں ہے، کاروبار اور حکومتی جلسے جب ایس او پیز کے ساتھ ہو سکتے ہیں تو حزبِ اختلاف کی جماعتوں کو بھی ایس او پیز کے ساتھ جلسوں کا حق ہے۔ ان کاکہنا تھا کہ مسلم لیگ (ن) کے رہنما رانا ثناء اللہ نے کہا ہے کہ ووٹ کی عزت، عوام کے فیصلے کو اہمیت دی جائے، صاف شفاف الیکشن کروائے جائیں، جو بھی رزلٹ ہوگا، ہم تسلیم کریں گے۔ سٹیبلشمنٹ سے یہ ہی بات کرنی ہے کہ آپ مداخلت نہ کریں۔ گلگت بلتستان میں پری پول دھاندلی کی جا رہی ہے۔
