لاہور(این این آئی)وزیراعظم کے مشیر برائے امور داخلہ واحتساب شہزاد اکبر نے کہا ہے کہ مریم نواز کے انٹرویو کے بعد (ن)لیگ کے بیانیے کا فراڈ کھل کر سامنے آ گیا ہے، ان کا اصل بیانیہ این آر او اور دوبارہ اقتدار حاصل کرنا ہے،شہباز شریف نے مال کھایا ہے، حساب دینا

پڑے گا۔شہزاد اکبر نے ایوان وزیراعلی میں پریس کانفرنس کرتے ہوئے کہاکہ مریم نواز کہہ رہی ہیں حکومت ختم کر دی جائے جبکہ دوسری طرف کہتی ہیں ماضی میں حکومتوں کو ختم کر دیا گیا۔ پیپلز پارٹی اور (ن)لیگ علاقائی پارٹیاں بن گئی ہیں۔ بلاول اور مریم کے درمیان چوہے بلی کا کھیل جاری ہے۔ان کا کہنا تھا کہ شہباز شریف فیملی کے خلاف فرد جرم عائد ہو چکی جبکہ شاہد خاقان عباسی کیخلاف بھی گھیرا تنگ ہو رہا ہے۔ شہباز شریف نے مال کھایا ہے، حساب دینا پڑے گا۔انہوں نے کہا کہ نیب چینی پر سبسڈی دینے کی انکوائری کر رہا ہے لیکن اس کیس میں ابھی تک کسی کو گرفتار نہیں کیا گیا۔ ایسا نہیں کہ کسی کے ساتھ کوئی رعایت برتی جا رہی ہے۔ ان کا کہنا تھا کہ شوگر امپورٹ کرنے کے بعد چینی کے نرخ کم ہو رہے ہیں۔انہوںنے کہاکہ ایف آئی اے نے شوگرملزمالکان کومنی لانڈرنگ پرنوٹس جاری کیے، 3 شوگرملزمالکان نے ہائی کورٹ میں فیصلے کوچیلنج کیاتھا،شوگرانکوائری کمیشن کوسندھ ہائیکورٹ میں چیلنج کیاگیا۔انہوںنے کہاکہ فیک اکائونٹ والے کیس کی تحقیقات ایف آئی ایکرتاہے۔(ن)لیگ کااصل بیانیہ این آراولینااوردوبارہ اقتدارحاصل کرناہے،نیب چینی پرسبسڈی دینے کی انکوائری کررہاہے،نیب نے شوگر سبسڈی کیس میں ابھی تک کسی کوگرفتارنہیں کیا،ایسانہیں کہ کسی کیساتھ کوئی رعایت برتی جارہی ہے ۔

موضوعات:شاہد خاقان عباسی