کراچی(این این آئی) ڈاکٹر ماہا علی کی قبرکشائی کے لیے ایس پی انویسٹی گیشن سائوتھ نے خط لکھ دیاہے۔تفصیلات کے مطابق ایس پی انویسٹی گیشن سائوتھ نے ڈاکٹر ماہا علی کی قبر کشائی کے لیے سیشن جج میر پور خاص کو خط لکھ دیاہے، جس میں کہا گیا ہے کہ کیس میں تحقیقات کے لیےقبر کشائی ضروری ہے۔خط کے متن میں کہا گیا ہےاسپتال منتقلی کے بعد ڈاکٹر ماہا انتقال کر گئیں، خط میں

کہا گیا ہے کہ جناح اسپتال میں میڈیکل رپورٹ ڈاکٹر عرفان نے غلط بنائی،ڈاکٹر عرفان،جنید اور وقاص کو شامل تفتیش کیا گیا ہے۔ ڈاکٹر ماہا کی موت سے متعلق اس کے والد نے سوال اٹھائے ہیں۔پولیس کی دو رکنی تفتیشی ٹیم قبر کشائی کے لیے کراچی سے روانہ ہوگئی، ٹیم آئی او شرافت علی اور ایس آئی او چوہدری امانت علی پر مشتمل ہے۔ذرائع نے بتایاکہ مجسڑیٹ کی موجودگی میں قبر کشائی کی جائے گی۔

موضوعات:ڈاکٹر ماہا علی