کراچی(این این آئی)قومی ایئر لائن (پی آئی اے)نے اصلاحات کے عمل سے متعلق کہا ہے کہ پی آئی اے نے سیبر سسٹم کو ترک کرکے نیا سسٹم ہٹ اٹ رائج کیا ہے۔تفصیلات کے مطابق پاکستان انٹرنیشنل ایئر لائن میں موجود کمیاں اور خامیاں دور کرنے کیلیے ادارے میں اصلاحات کا عمل جاری ہے، ترجمان پی آئی اے نے بتایا کہ قومی ایئرلائن نے ریزرویشن، فلائٹ آپریشن، اکائونٹنگ

کا پرانا سسٹم تبدیل کردیاہے۔ترجمان کے مطابق پی آئی اے نے سیبر سسٹم کو ترک کرکے نیا سسٹم ہٹ اٹ رائج کیاہے۔ نئے سسٹم کے نفاذکے پہلے سال پاکستان انٹرنیشنل ایئرلائن کو7 کروڑ ڈالرکی بچت ہوئی ہے۔ترجمان قومی ایئرلائن نے بتایاکہ جدید سسٹم ترکش آئی ٹی کمپنی ہٹ اٹ کمپیوٹر سروسز سے 2018 میں حاصل کیا تھا، اس سے قبل پی آئی اے 1997 کا سسٹم سیبر استعمال کررہی تھی۔