اسلام آباد (این این آئی)وزیر اعظم عمران خان نے وفاقی کابینہ کا اجلاس آج طلب کرلیا،دس نکاتی ایجنڈے پر غور ہوگا ۔ تفصیلات کے مطابق وفاقی کابینہ کا اجلاس (آج) منگل کو دوپہر بارہ بجے وزیر اعظم ہائوس میں ہوگا ،بعض وزراء کابینہ ڈویژن کے کمیٹی روم سے ویڈیو لنک کے ذریعے شریک ہوں گے ،اجلاس میں ملکی سلامتی، سیاسی و معاشی امور پر غور ہوگا ،کابینہ اجلاس میں 10 نکاتی ایجنڈا پر

غور کیا جائے گا ،کابینہ کو پائیلٹس کے مشکوک لائسنسز کے معاملے پر تفصیلی بریفنگ دی جائے گی،کابینہ کو ایف اے ٹی ایف سے متعلق کمپنیزایکٹ2017 اور محدود شراکت داری ایکٹ میں مجوزہ ترامیم کی منظوری دے گی۔ ذرائع کے مطابق وفاقی کابینہ سیکٹر ایف 12 اور سیکٹر جی 12 کی زمین فیڈرل گورنمنٹ ایمپلائز ہاوسنگ اتھارٹی کو منتقل کرنے منظوری دے گی ،کابینہ شہری سید محمد شارک رضا کو پاکستان سے برطانیہ کیحوالیکرنے کی درخواست کا جائزہ لے گی ، ذرائع کے مطابق نادرہ اور انٹرنیشنل آرگنائزیشن فار مائیگریشن کے درمیان ‘آر سی ایم سی” کے حوالے سے مفاہمت کی یادداشت پر دستخط ہوں گے ،کابینہ ایگرو فوڈ پروسیڈنگ فیسیلیٹیز ملتان کے چیف ایگزیکٹو کی تقرری کی منظوری دے گی۔ ذرائع کے مطابق کابینہ وزارت سائنس اینڈ ٹیکنالوجی کے ذیلی ادارے ایس ٹی ای ڈی ای سی کے بورڈ آف ڈائریکٹرز میں تین ڈائریکٹرز کی تقرری کی منظوری دے گی،وزارت قانون و انصاف کی منظوری لئے بغیر ایف بی آر وکلاء کی خدمات حاصل کرنے کی اجازت کا تجویز منظوری کے لئے کابینہ میں پیش ہوگی۔

موضوعات:وفاقی کابینہ کا اجلاس