اسلام آباد (مانیٹرنگ ڈیسک) بجلی کی قیمت کی مد میں عوام پر 162 ارب روپے سے زائد کا اضافی بوجھ پڑنے کا امکان، بجلی کی قیمت میں فی یونٹ اضافے کی نوید سنا دی گئی، ایک نجی ٹی وی چینل کی رپورٹ کے مطابق بجلی کی قیمت ڈیڑھ سے 2 روپے فی یونٹ اضافے کا امکان ظاہر کیا جا رہا ہے۔ کرونا کی وجہ سے مہنگائی، بے روزگاری اور لاک ڈاؤن سے تنگ عوام پر مزید بوجھ
ڈالنے کی تیاریاں شروع کر دی گئیں۔ ذرائع کے مطابق حکومت کی طرف سے بجلی کی قیمت میں ڈیڑھ سے 2 روپے فی یونٹ اضافے کا امکان ظاہر کیا جا رہا ہے۔ اس اضافے کی صورت میں عوام پر 162 ارب روپے کا اضافی بوجھ پڑ جائے گا۔ نجی ٹی وی چینل کی رپورٹ کے مطابق نیشنل الیکٹرک پاور ریگولیٹری اتھارٹی 3 جون کو اس اہم معاملے پر سماعت کے بعد فیصلہ کرے گا۔
