پتوکی(این این آئی ) توحید ٹائون پتوکی میں پانچ سالہ بچے سمیت چھ افراد کروناوائرس کا شکار ہو گئے ،محکمہ صحت میونسپل کمیٹی پتوکی اور پولیس کی ٹیمیں موقع پر پہنچ گئیں۔تفصیلات کے مطابق توحید ٹاون پتوکی میں ایک ہی فیملی کے پانچ افراد محمد اشفاق،محمد سرور،محمدحسیب،محمد صالح ریاض اور پانچ سالہ محمد عمر شامل ہے۔ کورونا کے مریضوں کی اطلاع ملتے ہی محکمہ صحت پتوکی ، پولیس اور
میونسپل کمیٹی پتوکی کی ٹیمیں ریسکیو 1122 کے ہمراہ موقع پر پہنچ گئی۔ پولیس نے بیریئر لگا کر توحید ٹاؤن پتوکی کو دونوں اطراف سے مکمل سیل کردیا۔ ریسکیو 1122 کی ٹیم نے کورونا سے متاثر ہونے والے پانچ سالہ بچے محمد صالح ریاض کے علاوہ پانچ مریضوں کو قصور منتقل کر دیا ہے۔ اسسٹنٹ کمشنر پتوکی آصف علی ڈوگر نے شہریوں سے اپیل کی ہے کہ وہ احتیاطی تدابیر اختیار کریں۔
