نئی دہلی (این این آئی)بھارتی ریاست چیمبور میں موبائل فون نہ دینے پر شوہر نے بیوی کو قتل کردیا۔بھارتی ٹی وی کی رپورٹ کے مطابق بھارتی ریاست چیمبور میں 51 سالہ شوہر نے موبائل فون دینے سے انکار کرنے پر بیوی کو قتل کردیا۔پولیس کے مطابق ملزم جیمز جان کورایا گھر پہنچا اور اپنی اہلیہ 45 سالہ ربیعہ جیمز کورایا سے کہا کہ وہ اپنا
موبائل فون اس کے حوالے کردے، اہلیہ نے فون دینے سے انکار کیا تو ملزم نے اسے قتل کردیا۔اہلیہ کو قتل کرنے کے بعد ملزم نے فرار ہونے کی کوشش کی تو اسے پڑوسیوں اور رشتے داروں نے پکڑ کر پولیس کے حوالے کردیا۔آر سی ایف تھانے کے سینئرافسر سوپن نیہوت نے کہاکہ ملزم کے خلاف قتل کا مقدمہ درج کرکے تحقیقات کا آغاز کردیا گیا ہے۔
