اسلام آباد(مانیٹرنگ ڈیسک)پنجاب کے شیر فیصل آباد کی خواتین عورت مارچ کیخلاف سڑکوں پر نکل آئیں۔ فیصل آباد کی خواتین نے عورت مارچ کیخلاف مارچ شروع کر دیا جس میں انہوں نے بورڈز اٹھا رکھے ہیں جس پر لکھا ہے ’’اللہ کی تخلیق اور مرضی بھی اسی کی‘‘۔ تفصیلات کے مطابق فیصل آباد میں مرکزی جمعیت اہل حدیث کے زیراہتمام خواتین نے عورت مارچ کیخلاف مظاہرہ کیا ۔مظاہرے میں شریک خواتین نے دین اسلام کی جانب سے دیئے گئے

حقوق پر اطمینان کا اظہار کیا اور بے پردہ خواتین کے خلاف شدید نعرے لگائے۔ انکا کہنا تھا کہ بے حیائی نہیں چلے گی کیونکہ دین اسلام کے اصول پر چل کر ہی بہترین زندگی گزاری جاسکتی ہے۔ مارچ میں شریک سو سے زائد خواتین نے اسلام کو کامل دین ہونے کا پیغام دیا اور اپنے مرضی کے حقوق مانگنے والی خواتین کی مذمت کی۔انہوں نے کہا باپردہ خواتین کی دل آزاری نہیں کرنے دینگے۔ عورت مارچ روک کررہیں گے۔

موضوعات:عورت مارچ