لاہور(نیوز ڈیسک) لاہور میں سابق سپرنٹنڈنٹ کاشانہ افشاں لطیف کے گھر پر مبینہ طور پر فائرنگ کی گئی۔تفصیلات کے مطابق رات گئے سابق سپرنٹنڈنٹ کاشانہ افشاں لطیف کے گھر کے باہر فائرنگ ہوئی، نامعلوم ملزمان فائرنگ کرکے فرارہو گئے۔افشاں لطیف نے پولیس کو بتایا کہ فائرنگ کا واقعہ دس روز قبل بھی پیش آیا تھا
اور اب بھی فائرنگ کا ویسا ہی واقعہ پیش آیا، ون فائیو پر کال کرنے پرپولیس موقع پر پہنچی اور کاشانہ کے سیکیورٹی اہلکاروں سے پوچھ گچھ کی جبکہ گھر کے باہرسات سے آٹھ گولیاں چلنے کی آواز سنائی دی۔پولیس نے کہا کہ کارروائی کے لئے درخواست موصول ہونے پر مقدمہ درج کرلیا جائیگا۔
