اسلام آباد (این این آئی)عورت مارچ کو رکوانے کے لیے عمران عزیز ،ایوب انصاری سمیت شہریوں نے اسلام آباد ہائیکورٹ سے رجوع کرلیا۔ جمعرات کو مارچ کو رکوانے کے لیے عمران عزیز ،ایوب انصاری سمیت شہریوں نے اسلام آباد ہائیکورٹ سے رجوع کرلیا۔ درخواست میں وفاقی حکومت اور چیف کمشنر اسلام آباد کو فریق بنایا گیا۔
درخواست میں موقف اختیار کیاگیاکہ خواتین کی آزادی کے نام پر نعرے اور پلے کارڈز شعائر اسلام کے خلاف ہیں۔ درخواست میں موقف اختیار کیاگیاکہ آزادی کے نام پر بیہودگی کو فروغ دینے کی کوشش کی جارہی ہے۔ درخواست میں استدعا کی گئی کہ عدالت فریقین کو عورت مارچ روکنے کا حکم دے۔
