اسلام آباد(مانیٹرنگ ڈیسک)عالمی مارکیٹ میں خام تیل کی قیمتوں میں 30 فیصد تک کمی۔ عالمی مارکیٹ میں خام تیل کی قیمتوں میں خام تیل کی قیمتوں میں 30 فیصد تک کمی آئی ہے جس کے بعد یہ امکان ظاہر کیا جارہا ہے کہ عالمی مارکیٹ میں خام تیل کی قیمتوں میں اس بڑی کمی کے بعد پاکستان میں بھی پیٹرولیم مصنوعات کی قیمتوں میں بڑی کمی متوقع ہے۔ جبکہ اس حوالے سے ماہرین نے کہا ہے کہ خام تیل میں قیمتوں کی کمی کے بعد حکومت کو بھی چاہیے کہ وہ پاکستانیوں کو ریلیف فراہم کرتے اور پیٹرولیم مصنوعات کی قیمتوں میں فوری طور پر کمی کا

اعلان کر ے۔ عالمی منڈی میں پیٹرولیم مصنوعات کی قیمتوں میں حالیہ کمی کو دیکھا جائے تو اس حوالے سے اگر حساب لگایا جائے تو پاکستان میں پٹرول 27 روپے فی لیٹر تک سستا ہوسکتا ہے۔ خام تیل کی قیمت ایک سال قبل 75 ڈالر فی بیرل تھی جو اب 52 ڈالر 45 سینٹ ڈالر فی بیرل ہو گئی ہے۔ رپورٹ کے مطابق بارہ ماہ میں خام تیل کی قیمت 30 فیصد کمی واقع ہوئی ہے جو تقریباً 23 ڈالر فی بیرل بنتی ہے۔ معاشی ماہرین کے مطابق بڑھتی مہنگائی میں حکومت اگر خام تیل پر ٹیکس ہی کم کردے تو عوام کو بڑا ریلیف حاصل ہو سکتا ہے۔

موضوعات:پٹرول 27 روپے فی لٹر سستا