اسلا م آباد (این این آئی)پاکستان مسلم لیگ (ن) کے صدر اور قائد حزب اختلاف شہبازشریف نے کرونا کے پہلے مریض کی کراچی میں تصدیق پر تشویش کا اظہار کیا ہے۔اپنے بیان میں قائد حزب اختلاف شہباز شریف نے کہا کہ کسی مزید تاخیر کے بغیر وفاقی اور صوبائی حکومتوں کی مشاورت سے
فی الفور ہنگامی اقدامات کئے جائیں۔انہوں نے کہا کہ عوام کی صحت وسلامتی کو یقینی بنانے کے لئے غیرمعمولی اقدامات کرنا ہوں گے ورنہ خدا نہ کرے صورتحال قابو سے باہر ہو سکتی ہے۔واضح رہے کہ ڈاکٹر ظفر مرزا نے مزید دو مریضوں میں کرونا وائرس کی تصدیق کر دی ہے۔
