لندن(مانیٹرنگ ڈیسک) سابق وزیراعظم نواز شریف سے لندن میں پراسرار نقاب پوش شخصیت نے ملاقات کی ہے۔ایک موقر قومی اخبار کی رپورٹ کے مطابق میاں نواز شریف اور شہباز شریف کی لندن میں پراسرار سیاسی سرگرمیاں سامنے آئی ہیں، شہباز شریف اور اسحاق ڈار کسی شخص کو گاڑی میں بٹھا کر لائے اور نواز شریف سے ملاقات کے بعد
انہیں عقبی دروازے سے رخصت کیا گیا۔ذرائع کا کہنا ہے کہ اس شخص نے نواز شریف سے ملاقات کے وقت اپنا چہرہ ڈھانپ رکھا تھا۔ن لیگ کے ترجمان کے مطابق ملاقات کرنے والا شخص نواز شریف اور شہباز شریف کا ذاتی دوست تھا اور ان کا سیاست سے کوئی تعلق نہیں ہے، پارٹی کو نقصان پہنچانے کے لئے افواہیں پھیلائی جارہی ہیں۔
