اسلام آباد(مانیٹرنگ ڈیسک) شوہر کی دوسری شادی، بیوی ، اپنی بیٹی کے ہمراہ تقریب میں پہنچ گئی، دلہا موقعے سے فرار،میڈیا رپورٹس کے مطابق سیالکوٹ میں شوہر کی دوسری شادی کی تقریب میں پہلی بیوی بیٹی کے ہمراہ پہنچ گئی، بارات کے پہنچتے ہی پہلی بیوی نے ہنگامہ آرائی شروع کردی، جس سے تقریب میدان جنگ کا منظر پیش کرنے لگی۔
پہلی بیوی نے شوہر پر تھپڑوں کی بارش کردی۔ مذکورہ خاتون نے کہا کہ شوہر نے بیٹی کی پیدائش پر گھر سے نکال دیا تھا اور تشدد کا نشانہ بھی بنایا تھا۔ دوسری شادی کی اجازت نہ دینے پر شوہر کی جانب سے تشدد کیا گیا۔ دوسری جانب دولہے نے کہا کہ پہلی بیوی کو طلاق دے دی ہے، اب میرا اس سے کوئی تعلق نہیں ۔ اس کے بعد پولیس اہلکار بھی موقع پر پہنچ گئے۔
