صوابی (نیوز ڈیسک) اے این پی کے رہنما ساتھیوں سمیت تحریک انصاف میں شامل ہو گئے، صوابی میں عوامی نیشنل پارٹی کے سینئر رہنماء ارشاد خان نے ساتھیوں سمیت پی ٹی آئی میں شمولیت کا اعلان کر دیا ہے، تحریک انصاف کی قیادت نے ان شمولیت پر خیرمقدم کیا ہے۔ اے این پی کے ارشاد خان نے پی ٹی آئی خیبرپختونخوا کی قیادت اور سپیکر قومی اسمبلی اسد قیصرسے ملاقات کی،
اس ملاقات میں انہوں نے پی ٹی آئی کی کارکردگی اور سیاست کی تعریف کی۔ ارشاد خان وزیراعظم عمران خان کی ملک وقوم کے حق میں پالیسیوں کا خیرمقدم کرتے ہوئے تحریک انصاف میں شامل ہو گئے۔ انہوں نے اس موقع پر کہا کہ میں جو بھی سیاست کرتا ہوں حقائق پر مبنی سیاست کرتا ہوں، انہوں نے تحریک انصاف میں آنے کے بعد کہا کہ وہ عمران خان کے ویژن کو آگے بڑھائیں گے۔
