مظفر گڑھ (نیوز ڈیسک)مظفرگڑھ میں سابق گورنر پنجاب غلام مصطفی کھر کے کتے کو موٹر سائیکل سوار نے ٹکر ماردی۔مظفرگڑھ کی تحصیل کوٹ ادو کے علاقے سنانواں میں موٹر سائیکل کی زد میں آکر سابق گورنر ملک مصطفیٰ کھر کا کتا زخمی ہوگیا۔کتے کی کمر کی ہڈی موٹر سائیکل کی ٹکر سے ٹوٹ گئی ہے، تقریباً ڈیڑھ لاکھ روپے مالیت کے کتے کے زخمی ہونے پر سابق گورنر پنجاب
کے ملازم کی مدعیت میں تھانہ سنانواں میں مقدمہ درج کرلیا گیا۔پولیس ترجمان وسیم خان گوپانگ کے مطابق وٹرنری ڈاکٹر کی جانب سے میڈیکل رپورٹ موصول ہونے پر موٹر سائیکل سوار کے خلاف مقدمہ درج کرلیا گیا ہے۔عینی شاہدین کا کہنا ہے کہ موٹر سائیکل سوار محمد اسماعیل بھی حادثے میں زخمی ہوا تھا جو مقدمہ میں نامزد ہونے کے بعد روپوش ہوگیا ہے۔
