اسلام آباد(مانیٹرنگ ڈیسک)احتساب عدالت کی جانب سے العزیزیہ اور فلیگ شپ ریفرنس کافیصلہ کل سنایا جائے گا تاہم نوازشریف کی صاحبزادی جب سے جیل سے باہر آئیں وہ سیاسی منظر نامے سے مکمل طور پر غائب ہیں اور انہوں نے میڈیا سے تو کیا ٹویٹر پر بھی کوئی پیغام جاری نہیں کیا ۔نجی ٹی وی کے مطابق سابق وزیراعظم نوازشریف جب لاہور سے اسلام آباد کیلئے روانہ ہو نے لگے تو مریم نواز نے اپنے
والد کو رخصت کرتے ہوئے کہا کہ میں آپ کی کارکن بن کر آپ کے انصاف کیلئے کردار ادا کروں گی ۔ذرائع کے مطابق مریم نواز نے والد نواز شریف کو کہا کہ آپ کو عوام سے جدا رکھنے والے فیصلے بے بنیاد مفروضوں کی پیداوار ہوتے ہیں۔دوسری جانب سابق وزیراعظم نواز شریف کو سزا ملنے یا نہ ملنے پر جواریوں نے کروڑوں روپے کا جوا لگا دیا ،اکثریت نے جیل کو فیورٹ قرار دیکر 40 پیسے ریٹ مقرر کر دیا ہے۔
