لاہور (نیوزڈیسک)پنجاب لینڈ ریکارڈز اتھارٹی لاہور میں ڈوئنگ بزنس کے حوالے سے گزشتہ سال کی نسبت نو درجے بہتری دیکھنے میں آئی ہے،لاہور 170کی بجائے 161نمبر پر آگیا۔ ترجمان کے مطابق کوالٹی آف لینڈ ایڈمنسٹریشن میں بہتری کے بعد لاہور 10.5سے 19پوزیشن پر آگیا۔ ورلڈ بنک کی رپورٹ میں یہ اعتراف کیا گیا ہے کہ پاکستان نے لاہور میں پراپرٹی کی رجسٹریشن میں اصلاحات کے ذریعے رجسٹریشن کے طریقہ کار کو آسان بنا دیا ہے۔ جسکی بدولت 56دن میں ہونے والا کام
ا ب صرف 26دن میں مکمل ہوتا ہے۔ ڈی ٹی ایف سکیل میں پاکستان (لاہور)11پوائنٹس اضافے کے بعد 55سے 66 پوائنٹس پر آگیا ہے۔ پراپرٹی رجسٹریشن کی شفافیت اور آن لائن ریکارڈ کی دستیابی کی بدولت یہ بہتری دیکھنے میں آئی ہے۔ جو کے کوالٹی آف لینڈ ایڈمنسٹریشن کی بہتری کی علامت ہے۔ پنجاب لینڈ ریکارڈزاتھارٹی لینڈ ایڈ منسٹریشن کو عالمی میعار سے ہم آہنگ کرنے کیلئے کوشاں ہے اور جلد ہی پراپرٹی رجسٹریشن کا یہ دائرہ کار پنجاب کے باقی شہروں میں بھی مکمل کر لیا جائے گا۔
